E re · Video-mesazh me QR, falas me çdo buqetë
Lule të freskëta në Tiranë, me zërin dhe fytyrën tënde.
Me çdo buqetë mund të dërgosh edhe një video-mesazh. Regjistroje me telefon, ose ngarko një video që e ke. Ne e printojmë si kod QR në kartolinën që shoqëron lulet: marrësi e skanon me kamerën e telefonit dhe të sheh ty, sikur të ishe aty.
- Porosit buqetën. Zgjidh një nga buqetat, krijoje vetë ose përshkruaje me AI.
- Shto videon. Te faqja e porosisë regjistro ose ngarko videon. Po të duash, shto edhe një foto dhe disa fjalë.
- QR-ja në kartolinë. E printojmë në kartolinën që lidhim me buqetën.
- Marrësi të sheh. E skanon sapo merr lulet, dhe e rihap sa herë të dojë.
- Falas me çdo porosi
- Deri në 60 sekonda
- Regjistrohet me telefon ose ngarkohet
- Hapet vetëm me QR-në e kartolinës
- Hapet kur dorëzohen lulet, ose menjëherë
- Mbetet e hapur 30 ditë
- E ndryshon deri sa të dorëzohen lulet
Edhe më shumë: thirrje video surprizë. Kur trokasin lulet, ju lidhim live dhe e sheh kur hap derën. Edhe kjo është falas.
Për çdo rast, pa e vrarë mendjen
Zgjidh rastin dhe sa do të shpenzosh. Buqetën ta përgatisim ne, me lulet më të mira të ditës. Ose zgjidh vetë ngjyrat, edhe një trendafil ndryshe në mes.
Buqetat e kësaj jave
Ndryshojnë sipas asaj që gjejmë në treg. Nëse një lule mungon atë ditë, të marrim në telefon para se ta zëvendësojmë me diçka tjetër.
Çfarë thonë klientët
Si punojmë
Nuk kemi magazinë dhe nuk mbajmë lule në frigorifer për javë të tëra. Kjo do të thotë që ndonjëherë mbarojmë. Na fal që në fillim.
Tregu, herët
Tri herë në javë jemi në tregun e luleve para se të zbardhë. Zgjedhim me sy dhe me dorë: kërcell i fortë, gjethe pa njolla, koka që sapo kanë nisur të hapen.
Tavolina e punës
Çdo buqetë e lidh një person, nga fillimi në fund. I presim kërcejtë pjerrtas, u heqim gjethet që do të mbeteshin në ujë dhe i lëmë të pinë një orë para se t’i mbështjellim.
Te dera jote
Korrieri ynë e mban buqetën drejt, në një kovë me ujë, jo në bagazh. Nëse marrësi nuk është në shtëpi, të telefonojmë para se të vendosim çfarë të bëjmë.
Me dashuri, Buqeta.al
Si t’i mbash më gjatë
Një buqetë e mirëmbajtur rri e bukur një javë, shpesh edhe më shumë. Nuk duhet shumë.
- Sapo të vijnë, prit dy centimetra nga kërcejtë, pjerrtas, me thikë të mprehtë ose gërshërë. Jo me gërshërët e kuzhinës që shtypin.
- Vazo e pastër dhe ujë i ftohtë deri në gjysmë. Asnjë gjethe nuk duhet të mbetet nën ujë, se kalbet dhe e prish ujin.
- Ndërroje ujin çdo dy ditë dhe prit përsëri pak nga kërcejtë.
- Mbaji larg diellit direkt, kaloriferit dhe pjatës me fruta. Frutat e pjekura lëshojnë një gaz që i plak lulet shpejt.
- Trendafilat që varin kokën shpesh shpëtojnë: zhyti të tërë në vaskë me ujë të ftohtë për një orë.
Pyetje që na bëjnë shpesh
Si funksionon video-mesazhi?
Pasi të bësh porosinë, te faqja e porosisë regjistro me kamerë ose ngarko një video të shkurtër, dhe po të duash një foto dhe disa fjalë. Ne printojmë një kod QR në kartolinën që shoqëron buqetën: marrësi e skanon me telefon dhe të sheh. Zakonisht hapet sapo dorëzohen lulet (ose menjëherë, nëse e zgjedh ti) dhe mbetet e hapur për disa javë. Është falas.
Ku i sillni lulet?
Kudo brenda Tiranës, edhe në Kashar, Farkë e Sauk. Për qytetet e tjera na shkruaj dhe shohim bashkë çfarë mund të bëjmë.
Sa kushton dërgesa?
300 lekë. Për porosi mbi 10 000 lekë e sjellim falas.
A del buqeta njësoj si në vizatim?
Afërsisht. Vizatimi të tregon përmasat, ngjyrat dhe stilin. Lulet e vërteta kanë secila formën e vet, dhe kjo është pjesa e bukur. Nëse na duhet të ndryshojmë diçka, të pyesim më parë.
Mund të shtoj një shënim?
Po, falas. E shkruajmë me dorë në një kartolinë të vogël. Nëse nuk do që marrësi ta dijë kush ia dërgon, na e thuaj në porosi dhe nuk e themi.
Si paguhet?
Me para në dorë ose me kartë kur të vijë korrieri, ose me transfertë bankare paraprakisht. Për buqetat e mëdha kërkojmë një kapar.